Dies und das, was mir so in den Sinn kommt! Erfahrungsberichte, Gedanken...Die schönsten Tage des Jahres beginnen am Samstag um 14 Uhr! Deswegen hier ein kleines Gedicht: und Gebet:
Ah in dem Johr woll' ma eich net verschone und mit ehm Kerwe-Gedicht belohne.
Weil lang genung hemmir jetzt g'hofft,
dass bal' de Dopsi widder tropft.
Jetzat sinn's noch vier, fünf Nächt
dann gehts de Lewwer widder schlecht.
Guhd träniert unn topfit g'macht
Sinn mir ferdisch fer die Schlacht.
Vier, fünf Nächt des isch noch lang,
Sou manchem werd's do nochmohl bang:
"Net, daß ma's widder de Ranze verrenkt, Unn i am Mountag schunn ans Sterwe denk!"
Noch drei Nächt, 's isch wie immer,
Die Vorfreid, die werd imma schlimmer.
Schlofe kanni nimmi g'scheit,
Ou, wär's doch na schunn heid soweit.
Zwee Nächt noch - unn lang sinn die!
Als käm de Kerwe-Samstag nie.
Dunnerwett'l, Sakrament!
Irgendwann werd doch gepennt.
Dann noch oni - 'd Freitag Nacht,
Ma hert schunn, wie des Herz'l lacht.
Die erschde zähle noch die Stunne,
die Ängscht isch jetzt todal verschwunne.
Samstag morje, heijeijei...
'S Warte isch jetzt glei vorbei.
Nunner gehts zum Umzug gugge,
Weil dänoch, do derf ma schlugge!
Jetzat stehma do und gugge zu,
awwer innerlich hemma ko Ruh'.
Mir denke an de Dopsi hold.
Unser Liebschdes - Schwarzes Gold!
Unn wer's net glaabt, hot's net erlebt.
Awwer jetzt werd's Zeit fer ä Gebet...
Kerwegebet
------------
Lieber Gott mach mich fromm,
dass ich auf die Kerwe komm.
In Sandhause des wisse all,
do fliegt die Kuh uff jeden Fall.
Ob Hagel, Regen, ja sogar Flut:
den Sandhaiser verläßt NIE der Mut
Ohne Murre unn viel Rabbatz
trifft man sich uffm Kerweplatz.
Samstag, Sonntag, Montag auch,
das ist ein alter Kerwebrauch.
Jeden Morgen wach ich auf,
male mir den Rausch schon aus.
Drei Tage lang und ohne zu verzagen,
werden wir die Leber plagen.
Geplagt wird sie, die alte Sau,
und alle sind wir furchtbar blau.
Und wenn auch noch die Sonne scheint,
sind wir mit Nussloch gar vereint.
Mussisch will ich, Sex und Suff,
nach drei Taag heere ma noot uff.
Das ist doch nicht zuviel verlangt,
wir haben lang genug gebangt!!
Lieber Gott, hör auf, uns zu teste,
Mach uns Mut fers Fest der Feste.
Und für den Kerwedienstag
-------------------------
Jetzt isch der ganze Spuk vorbei
Im Lehwe geht ko Bier meh' nei,
ko'n Dopsi, Rigo oder Sekt,
mer ligge all drei Tag im Bett.
Liewer Gott, war des e Fescht!
Unn warum isch mir SOU schlecht?
Schunn widder net genug trainiert,
das ma des net nochemohl passiert!
Dann - uff o'mohl - gehts schunn widder, nekscht Woch' brenn ma Walldorf nidder!
noch 3 Tage!!